Страница 4 из 6
[14] Против составления пространной редакции «Послания» Нифонту задним числом около 1504 г.
говорит также то, что, при анонимном характере выпадов против, митрополита в этой редакции, они звучали бы не как адресованные против уже отставленного в этот момент Зосимы, а как направленные против действующего митрополита Симона (см. выше, стр. 152, прим. 25).
[15] Высказываемая здесь точка зрения непосредственно связана со взглядом, согласно которому в первоначальной редакции «Сказания о новоявившейся ереси» выпады против Зосимы читались, исключение же этих выпадов было произведено после 1511 г. (см. ниже, стр. 444—445 и 449—455).
Послание Иосифово к епископу Нифонту Суждальскому и Торусскому на еретики I. Краткая редакция.
Господину государю преосвященному владыце Нифонту Суждальскому и Торусскому, грешный чернец Иосиф, нищий твой челом биет.
Ведомо тебе, государю моему, нынешняя великаа беда, постигшиа Рускую землю и все православное христьянство: в велицей убо церкви пречистые богородицы, сияющей якож второе солнце посреди всеа земля Руския, и на престоле святемь, идеж божествении святителие и чюдотворцы Петр и Алексей и инии мнозии велиции православнии святителие посаждени быша, и просиаша, яко же солнце, и ныне в том граде, иже мудръствующеи жидовьскаа, глаголю ж новогородскых еретиков, овехь убо жидовству научают, инех же содомьскыми сквернять, змии пагубныи, отступници Христовы, иже не точию сами отступиша и диаволу прилепишась, но и инех учат отврещися Христа.
Первии отступници в нашей земли, антихристовы предотеча, иже антихриста ждут, свинскым житием живут сыны погыбелныи иже сына божиа попраша, и пречистую богородицю похулиша и вся святыа уничтожиша и икону господа нашего Иисуса Христа и пречистую его богоматере и всех святых и всяко нечестие и претыкание и соблазн на непорочную христьянскую веру положиша, и еуангельскаа предания и апостольские уставы и всех святых писаниа отмещают: «Несть, деи, втораго Христова пришествия, и царствиа небеснаго святым; умерь, деи хто, и он то умер, по та места и жил».
Ни в древних, господине, еретицех и отступницех таковых злодеев не бывало!
И ныне о том стати некому: аще же ты потщишись за Христа и за пречистую богородицю и за все православное христьянство стати накрепко, и тобою, господине, мнози пользуются и о тебе укрепляются вси: глава бо еси, и на тебе вси зрим, и тобою очистит господь бог церковь свою и все православное христьанство от жидовскиа скверныа и пагубныа ереси.
Постинне, государь, сь прьвыми исьповедникы и святители, с Германом и с Никифором и с Мефодием, царствию небесному сподобишися от господа нашего Иисуса Христа. Помни, богопочтенный владыко, колико лет жили есмя, милостию великаго бога и спаса нашего Иисуса Христа и пречистые его матере молитвами и всех святых, в мире и во устроении и во всяком благоденьстве и чти.
Аще убо во время мирное порадовахомся со Христом, но и во время гонениа спостраждем с ним; аще во время благоденьства Иисусу любими быхом, и во время ратное да не будем ему врази. Иисус распят бысть нас ради безгрешный, а мы за распятаго нас ради не постражем ли до смерти? Что сего блаженнейши, еже за Христа пострадати и за пречистую богородицу? Аще бо с ним умрем, то с ним и прославимся, Аще ли же ныне не умрем о правде и о благочестии, помале туне умрем.
[1] Ныне время купли, время труду, время мене, время течению и подвигом. Въспомяни, богопочтеный владыко, богоносныа отца и учителе, патриархи-исповедники, иже до крови о благочестии подвизавшихся. Зри и вижь, какова ныне слава их и благолепие: почиша бо в мире, и гроби их фимияном мирисают, и мощи их цветут, яко благоуханный цвет, и царствует в них господь, и душа их в руце господни.
И яко тогда быша мнози исповедници и мученицы, с радостию и веселием крови своя проливающе за господа нашего Иисуса Христа и за непорочную веру христианскую, ныне же сие до конца оскуде: сего ради подобает о сем паче ныне даже до смерти подвизатися, в последняя сиа лета и во время лютейшая паче всех времен, о нихже рече великий апостол Павел: «В последняя дни настанут времена люта, приидет преже отступление и тогда явится сын погибельный».
Се ныне уже прииде отступление: отступиша бо мнози от православныа и непорочныа Христовы веры жидовствуют втайне. Иже преже ниже слухом слышася в нашей земли ересь, отнели же[2] въсиа[3] православие солнце, ныне же и в домех, и на путех и на торжищех иноцы и мирстии и вси сомнятся[4], вси о вере пытают, не от пророк, ни от апостол, ниже от святых отец, но от еретиков и отступников Христовых, и от проклятых на соборе, от протапоповых детей, и от его зятя, и от их учеников, и с ними дружатся, и пиют и едят, и учаться от них жидовь ству, того сатанина сосуда и диаволова, протопопа и не выходят и спят у него.
Постинне, прииде отступление: отступиша бо человеци от истинны и от правды, отступиша братолюбиа и нищелюбиа, отступиша целомудрия и чистоты, и на сласти совратишася, зряще на сквернаго пастыря, всегда сквернящагося мерьзскими сквернами, еще же жидовству и отверь жению учаща: се уже прииде отступление; сей есть антихристов предотеча и сынь погибельный, явится во свое ему время.
Аще не искоренится ныне той вторый Июда предатель, помале укрепится вся его пагубнаа и скверная злодеания и во вся человеки внидет отступление. Сего ради блажен необленивыйся, ниже разслаблен ныне, яко болши прьвых мученик и славнейши имать быти, якоже рече священномученик блаженный Ипъполит папа римский: «блаженнейши же, иже и о искрених подвизайся».
Се убо просит и ищет от нас милостивый и щедролюбивый бог, яко да нами и прочии человецы пользуются и вразумятся и о благочестивей християньстей и непорочней вере подвигнутся даже до смерти.
Ныне же, богоутверженый владыко, о сих тебе пишу, не яко уча и наказуя твое остроумие и богоданную премудрость (ни бо лепо нам забывати своея меры и таковая дрьзати)
, но яко ученик учителю, яко раб государю воспоминаю тебе, и молю, яко да наказуеши и учиши все православное христианство, еже не приходити к сквернителем онем и отступником, ни благословение от них приимати, ни ясти ни пити с ними. Аще ли же хто к ним приходити начнет, благословенна ради, или ясти с ними или пити, ведая их жидовство, тии на страшнем суде Хри стове о том истязани будут и с ними осужени будут во огнь вечный, яко преступници и отметници апостольских преданий и святых отец писаниа.
Великий убо апостол Иоан Богослов глаголет: «Аще кто не исповедует Иисуса Христа во плоти пришедша, сей есть льстец антихристов, и не приемлите его в дом, и радоватися ему не глаголите; глаголяй ему радоватися, причащается делех его злых». И святый Апостол Павел глаголет: «Еретика человека отвращайся, ведый буди, яко совратися таковый». И святый Иоанн Златоуст глаголет: «Възлюбленнии, многожды вам глаголах о безбожных еретицах, и ныне молю не совокуплятися с ними ни в ядении ни во питии, ни во дружбе, ни в любви; творя бо сия, чюжа себе творит Христовы церкви.
Аще кто и бесплотных житие поживет, а не исповедует православия догматы, отвращаемся и бежим ст них, яко от змия». Занеже еще и во Моисееве законе писано: «Аще хто отврьжется закона Моисеева и начнет глаголати, яко не отверглся есмь, и аще будут на него сведетели два или три, и тако без милосердия убиваем бывает». Свидетельствует божественный апостол Павел и глаголеть: «Отверглеся хто закона Моисеева, без милосердна по двою или трех сведетелех умирает».
Колицей мнится сподобится горшей муце, иже сына божиа поправ? Зриши ли, яко ныне горшей муце сподобитися достоин ест, иже сына божиа поправый, паче оного, иже тогда Моисеева закона отвергшагося?
А иные, господине, говорят, что грех осужати еретика: ино, господине, не токмо их осужати велено, но и казнити и в заточение посылати, точию смерти предати епископом не повелено есть; а царие благочести вии и смерти предаша от жидов и от еретиков многих непокаявшихся.
Православный царь Ираклий повеление изложи по всему своему царству: аще жидовин не крестится, да убиен будет. Також и амиритский царь Авраамие повеле убивати не хотевших креститися от жидов. По тех же Устин и Тиверие, благочестивейшие царие, повелеша главу отсещи епарху Адду и Елеуферию Самчию, поборником ереси «нетленно мнимыа». Федора же царица и сын ея Михаил благочестивый Анниа еретика, патриарха Констянтинаграда, в заточение послаша, и тамо повелеша ему очи извертети, потом же, умолением патриарха Мефодия, не извертеша ему очи, но повелеша ему дати двесте ран ременьем.