Страница 2 из 2
Сарра же Слышав в сени разъсмеявся, а рада бысть, помянув благодати обетованиа, а взърев на свои умерщвленые уды, не верова: «Како рождю сын в старости?». Бог же ведый тайны сердца, рече Аврааму: «Сарра смех ми сътвори, но будет Сарре сын, и наречеши имя ему Исаак». А въстав три мужи прямолици к Содому и идучи, а Авраам с ними. И рече бог: «Не утаю отрока моего Авраама, вопль Содомеск и Гомореск умножися предо мною, иду погубити их».
И два аггела отъидоша в Содом, Авраам же рече богу: «Господи! Не погуби праведника с нечестивыми, аще обрящутся пятьдесят праведник». И рече бог: «Не гублю». И приложи Авраам глаголати богу даже и до десяти. Рече: «Не погублю града». Яко бог, видиши ли, яко бози явишася Аврааму в образе человечьсте? Глаголет Аврааму: «Погублю Съдома», и пакы: «Не погублю праведных для».
Виждь — един бог отець со Авраамом беседует, а два в Содом посылает в образе сына и святаго духа, занеже бог вся сыном сътваряет7, и духом святым совръшая. Якоже пишет: «Словесем господним небеса утвръдишася, и духом уст его вся, сила их».
Видиши ли, господине, коли обет благодати пришед исплънити, и он съвръшинне явись Аврааму, того ради являя ему благодать свою, что от семени его хотяща родитися Христос.
А в Содоме того ради два являются в образе аггел, а аггели в юношьском образе, что хотяща злых человек потребити, а праведника от напасти извести, якож и Симеон о Христе прорече: «Сей лежит на падание и на востание многым». И в пророчьстве много о том писано, сам веси, а пишет, что Авраам, милуя нищих, бога приат з двема аггелы, а инде аггелы прият, а инде святую троицю прият.
А Дамаскын глаголеть: «Святая троица единосущная телесныма очима не зрима». Ино, господине, по божественому писанию все те истинну едино глаголют, а не разньствуют: нам то, господине, глупым и не умеющим, видится разно, или еретиком, ино они превращюют на свой разум, хотяща троицю утаити, не хотяща бо видети, ни слышати отца и духа святаго равна отцу и сыну.
А что, господине, Дамаскын пишет: «Не зримо божество», ино господине, не один Дамаскын пишет, но издавна патриарси и пророци и апостоли и8 святии отци, — все божество акы едиными усты исповедуют недоведомо и недомыслимо ни зримо, не токмо реку человечьскыма очима, но ни аггели, ни самыя херувими, ни пакы престоли, на них же почивает господь, видети божества не могуть.
А ино и сам сын глаголет: «Никто же знает сына, токмо отец; ни отца кто знает, токмо сын». Но что нам разсужати божество, якоже и Дионисей пишет: «Бога нигде же неть, а везде есть?».
А что пишет: «Авраам аггелы виде», ино везде бо в писании в нашем и в древнем пишет, что божество преобразуется в аггелех, а аггели существом не являются, но человечьски, или инем образом, но богь, преобразися в аггелы, а аггели в человечьскый образ явися Аврааму.
Ино существом аггели, а действо божествено, а образом человечьскым: не мощно 'бо существа и аггельскаго видети человеку. А инде пишет, что Авраам (бога прият з двема аггелы, ино, господине, то истинно именова бога, бо отца не послана никем, аггелы бо виде с ним, ино аггелы пишются посланникы, сиречь сын послан от отца, и дух святый послан от отца же.
Якоже и в еуангелии пишет: «Аз о себе не глаголю, но пославый мя отець, той ми рече». И пакы о дусе глаголеть: «Аще аз иду от вас, иного утешителя от отца пошлю к9 вам». Нам, господине, мнится: до воплощения божия, объявляя бог свое таинество в аггелех, а аггели являются во многых образех — в человечьсте и во птиче и в зверине, немощи для человечьскыа до воплощения, а по воплощении везде святым аггели являются, своим существом преобразуются, а не в божие имя являются.
Не мочно бо аггелу в образ божий именоватися. Аще бы не сам Христос являлся в образ аггелом до воплощения, не мощно бо бога вместити никому же. Ни самое небо вместити его может, бесконечно бо есть, но престол ему есть небо, а аггели и вся видимая и не видимаа тварь. Но что реку тварь? Но и вся четыре стихия в небе того для конец имеют, единаж от четырех стихие въименуется въздух, не видимо бо нами и прозрачна человечьскым помыслом и видом, акы подобна божеству, и како бы нигде е неть, а везде есть, и всем живот и дыхание по бозе дарует, без него единому животну не мочно быти, ни земли, ни морю иелзя състояти, виждь, колико величьство землю и море и всю поднебесную обдержит, но и та в небе конець имееть, — бог един конца не имееть!
Яко же и пророк о нем пишет: «Небо престол ему, а земля подножие ногу его». Яже и сам рече: «Никто же взыде на небо, токмо сшедый с небесе». Виждь, яко никто же богу съпрестольник на небеси, токмо сын и святый дух отцу съпрестолен, а яже земля подножие ногу его! Виждь, яко свое пришествие величества являя от небеси и до земли!
А сиа, господине, дръзнух к тебе писати своею глупостию по 10 твоему велению.
А и ты бы, господине, да не укаряя нас, к нам нашу глупость отписал. А лучить ти ся, господине, кому искусну мужу то казати, и ты бы, господине, нашего имени не являл никому. А чем, господине, укаряеть или похулит нашю глупость, и ты бы, господине, то отписал к нам подлинно, что възговорят, или чем похулять, и мы, господине, того поразумев, да въперед таковы не будем.
А то ми, господине, от тебе велми за честь, а яз тебе, своему господину, челом бию.
Моли, господине, бога о мне грешнем, о Христе Иисусе, аминь.
Примечания
[1] Так БВ; А стаинестве.
[2] Так В: А Б вашея. 3 Так БВ; А зземлю.
[4-4] Так БВ; А уна же осумневся.
[6-5] Так В; А станник триа; Б странник триа.
[6-6] А старец... стоя вписано на нижнем поле рукописи.
[7] Так В; А сътворять; Б сътворят.
[8] Так БВ; А и нет.
[9] Так БВ; А и.
[10] Так БВ; А по нет.
_uacct = "UA-261055-2"; urchinTracker();