Страница 6 из 6
И свидетельствует божественый апостол[12], глаголя: «Отвергъся хто закона Моисеева, без милости[13] по двою или триех свидетелех[14] умирает. Колицей, мнит, сподобится горшей муце, иже сына божиа поправ?». Зриши ли, яко ныне горшей муце сподобитися достоин есть, иже сына божиа поправ, паче оного, иже тогда Моисеева закона отверьгшагося?
А иные, господине, говорят, что грех [15]еретика осужати[15]: ино, господине, не токмо их осужати велено, но и казнити и в заточение посылати, точию смерти предати епискупом не поведено есть; а царие благочестивии и смерти предаша от жидов и от еретиков многих непокаявшихся.
Православный царь Ираклий повеление изложи по всему [16]своему царству[16]: аще жидовин не крестится, да убиен будет. Також и амиритьскый царь Аврамие повеле убивати не хотевших креститися[17] жидов. По тех же Устин и Тивирие, благочестивейшие царие, повелеша главу отсещи епарху Адду и Елеферию Самчию, поборником ереси «нетленномнимыя». Феодора же царица и сын ея Михаил благочестивый Анниа еретика, патриарха Констянтиня града, в заточение повеле послати, и тамо повелеша ему очи извертети, потом же, умолением патриарха Мефодиа, не извертеша ему очи[18], но повелеша ему дати двести ран ремением.
Потом же вавилоньскый царь Моавиа, во светем крещении наречен Иоан, егоже крести святый Феодор, епископ Едесский, посла в Едес, повелением святого Феодора, и повеле несторьян и иных еретиков из града изгнати, и манихеяном повеле языки изрезывати. И многа такова обрящеши в божественом писании, яже и сам веси, паче нас, богонаученною премудростию и многим разумом, по глаголющему словеси: «Даждь премудру вину, премудрее будет; сказай праведному, и приложить приимати, и еже разумети закон, помысла есть блага.
Сим бо образом, владыко, много поживеши лет и приложят ти ся лета животу», дръжащему уставы божественых отець по апостольскому преданию, в честь и в славу и поклонение единосущныа троица, и в похвалу православные веры, со всеми повинующимися тебе христианы, ихже учиши и паствиши повелением и властию святаго духа, словом и уставом[19] великаго архиерея, спаса нашего Исуса Христа, ему же слава и дръжава в векы.
А что еси, господине, ко мне писал: «Аще прокленет еретик християнина, то следует ли ему божественный суд? То еретическое проклятие во проклятие ли, или ни во что?». Ино ты сам, господине, ведаешь, что мнози еретици християн прокляша: не последова им божественый суд, но клятва их на них возвратися. Аще и патриарх, или митрополит, или епископ еретик прокленет, не последует ему божественый суд.
И многа обрящеши свидетельства о сем в божественом писании. Диоскор еретик, патриарх Царяграда, с Евтихом собрата собор сь единомудреными себе епископы, и прокляша блаженаго Флавиана, патриарха Царяграда, и не последова им божественый суд, но сами прокляти быша от бога и от человек, а блаженый Флавиан со всеми святыми причтен бысть. Потом же Копроним с патриархом своим и сь единомудреными себе епископы прокляша великаго Германа и всех поклоняющихся святым иконам, и сами прокляти быша, а блаженый Герман с апостолы и патриархи и исповедники причтен бысть.
Виждь, яко не последует еретическому проклятию божественый суд, но вси еретици, проклинающе християн, собе проклинають. Аще проклинаяй Авраама проклят, по божественному гласу, колми паче еретик и отметник Христов, проклинаяй християнина, сам прокълят. И мнози еретицы прокляша христиан, и не последова им божественый суд, но сами прокляти быша. Господь нашь Иисус Христос глаголеть к священным своим учеником и апостолом, рече: «Приимете дух свят; им же отпустите грехи, отпустятся им, и им же дръжите, дръжаться».
И паки рече: «Егоже аще свяжете на земли, и будеть связан на небеси; егоже аще разрешите на земли, и будет разрешен на небесех». Зриши ли, яко святым духом и вязати и разрешити, и оставити грехи и дръжати? Кроме благодати святаго духа ничтоже мощно кому сътворити от священных. Еретици же ь себе нечистый дух имеяху сатанин, како могут на небесех и на земли вязати и решити?
Великий Иван Богослов глаголеть: «Аще хто не исповедует Иисуса Христа в плоти пришедша, сей есть лестець и антихрист». Богослов антихриста нарек есть еретика, то како имать после довати божественый суд антихристову суду? Потом же глаголеть: «Не приемлете его в дом, и глаголяй ему радоватися, причящается делем его злым». Аще приемля еретика в дом и глаголя ему радоватися, причащаеться делех его злых, какову имут получити милость, иже сь еретиком приобщение имеа и яды с ним?
И божественый апостол Павел рече: «Но аще и мы или аггел с небеси благовестить паче, еже благовестах вам, проклят да будет». И паки рече: «Еретика человека отвращайся, ведый, яко съвратися таковый». Великий апостол Петр глаголет: «Быша убо иногда лжепророци в людех, яко же и в вас будут лжеучители, иже внесут ереси и погибели, искуплешего их владыки отметающеся.
И мнози последуют им нечистотами, сквернители и подручници, питающеся лестьми своими, очи имуще исполнь любодеяниа и непрестающа греха». Сиа бо не явлено ли о нынешних еретицех рекл есть божественый апостол Петр? И паки глаголеть: «Их же суд искони не коснит и погибель их не воздремлет». И паки блаженый апостол Июда, брат Ияковль, глаголеть: «Возлюбленнии, молю подвизатися вам о преданней вере святым единою.
Вопроша бо неции человеци, иже древле прописани в сей грех нечестна, бога нашего благодать прелагающе в скверну, и единого владыки и бога нашего Исуса Христа отметающеся». И паки: «Елика убо не ведят, хулят; елика же по естеству, яко бесловесная животная, ведят, сими сквернятся. Якоже Содома и Гомора и окрестныа сих грады, подобных сим образом соблудивша и вшедшая во след плоти иныа, предлежат в показание огню вечному, суд подъемше; такоже убо и сии, сония видяще, плоть убо сквернят, господства же отметаються».
И паки глаголеть: «Вы де, возлюбленнии, овех убо милуйте разсужающе, овех же страхом спасайте, от огня въсхищающе, и обличяйте с боязнию, ненавидящеи яже от плоти оскверненную ризу». Подобает же и некая свидетельства сему еще приложити от божественых писаний. От житиа святаго Симиона, иже на дивней горе: «Великаго Симиона, иже на дивней горе чюдотворца, прозвитер некий, завистию побежен быв, проклят; и абие видев множество бесов, пришедших к нему, и связавше его опаки рукама, яко не мощи ему оттоле и святаго еуангелиа прочитати».
Вижь, яко аще хто недостойне прокленет или свяжеть, себе прокленет и свяжет, яко же презвитер. Святаго Деонисиа Ареопагита: «Яко аще святитель паче воля божиа отлучит, не последует ему божественый суд». Великого Василья: «Аще хто творить кого без благословенна быти безвременно, сам да будет без[20] благословения». Иоанна Златаустаго[21]: «Аще повеление развращенно имать святитель, аще и аггел будет, не покаряйся[22] ему».
Святаго Афонасиа Александрийскаго: «Шествующе еже не прелестный, живоносный путь, око убо да извержем нечювьственое, но умное, сиречь, аще епископ или презвитер, сущей очи церковныя, неподобно живут и соблажняют люди, подобает изврещи их. Уне есть им без них събиратися в храм молитвеный, неже с ними въврещися, якоже со Анною и Кайафою, в геону огненую».
Святаго Анастасиа Синайскаго: «Егда входите в дом, глаголите: мир дому сему. И аще буде ту спас мира, мир вашь почиет в нем; аще ли же не будет достоин, мир вашь к вам возвратится. Аще убо мир паки ко онем възвращаеться, занеже не обрести достойна себе, множае паче неблагословение и клятва возвратиться на главу неправедно[23] ту посылающаго, яко неповинно сущу оному приятию, к нему же послана бысть.
Всяк убо всуе не благословляя и проклинаяй, себе не благословляеть и проклинаеть. Глаголеть бо Соломон: якоже летающеи птенци, суетная клятва не вселится ни вь единаго же. Попущающу убо, якоже рехом, богу, настають безумныа на мудрыа, и нечестии на благочестивы, и неправеднии на праведныа, уничижевающе и обидяще». От святых правил: «Иже убо ереси ради некиа приобщения себе отлу чивше епископства, таковии не точию правильному запрещению подлежат, но и подобающая чести православным сподоблени будут.
Не епискупом бо, но лжеепископом и ложным учителем зазреша и церковное съединение не раздраша, но раздрания церковная и разделениа подщашася избавити».
Се убо божествении апостоли и священнии учителие, патриарси и святии и седмь святых вселеньскых соборов, в них же бяше две тысущи святых отець, и мнози беша святии поместнии собори, вси еретиков проклятию предаша, и нам такоже повелеша проклинати их и отвращатися от них и бегати.
Явьственно показаша нам, яко аще прокленут нас, ничтрже нас вредит, но паче себе проклинают: то какову прииметь милость от бога пияй и ядый с ними и глаголяй, яко последуеть еретическому проклятию божественный суд? Во святых правилех писано: «Аще еретик внидеть в церковь, божественая служба да не поеться, дондеже изыидет». Аще во церковь входити еретиком не повелеша святии отци, то како божественый суд последует им, егда християн проклинают?
От святых правил: «Иже в небрежение полагающих священная и божественая правила святых отець наших, да будет проклят». Виждь, яко еретици суть хуляще святых отець правила и тии прокляти суть: и како имать бог послушати еретиков?
Явьственно бо есть, яко егда нас проклинают еретици, тогда есмя от бога благословени, яко же господь наш Исус Христос рече своим учеником и апостолом: «Всяк убиваяй вы, мнится службу приносити богу».
Якоже убо тогда июдеи и еллини, убивающе святых апостол, мняху ся службу приносити богу, сиа ради службы осужени быша с диаволом во огнь вечный, святии же апостоли сподобишася небесному царствию с Христом богом, тако же и еретици, проклинающей християн, осуждени быша и осудяться с дьяволом во огнь вечный, и хрестияне же их ради клятвы сподобятся небесному царствию от Христа бога, яко же господь наш Иисус Христос рече: «Блажени есте, егда поносят вы и рекут всяк зол глагол на вас лжуще, мене ради».
И паки рече: «Не приидох вложити мир, но рать и нож; приидох бо разлучити человека на отца своего, и дщерь[24] на матерь свою, и врази человеку домашнии его». Се есть рать и нож: егда отець, или мати, или сын и дщи съвратится от правыа веры, подобает ненавидети их, и отвращатися и бегати от них, яко не с ними погибнем. И сиа от сих.
Примечания. Краткая редакция
[1] Последние два слова исправлены на То не умрем ли после.
[2] В ркп онелите.
[3] Лучше розсия
[4] В ркп написано по выскребленному.
[5] Отсюда другой почерк.
[6] Прежний почерк
Пространная редакция
[1] Б бьеть; С так
[2-2] Б земля Рускиа; С так.
[3] Б научаа.
[4-4 ]Б деи и он то; СТ так.
[5] Так СТБ; Р умре.
[6] Б укрепится вся его погубная и сквернаа злодеания; СТ так.
[7] Так СТ; Р христианьстве; Б христианстей.
[8] Б ведый буди; СТ так.
[9] Б господине на Москве; СТ так.
[10] Б вы нет; СТ так.
[11] Б достеверные нет; СТ так.
[12] Б апостол Павел; СТ так.
[13] Б милосердна; СТ так.
[14] Так СТБ; Р свидетех.
[15-15] Б осужати еретика; СТ так.
[16-16] Б царству своему; СТ так.
[17]Б креститися от; СТ так.
[18] Так СТБ; Р очи исправлено на очей.
[19] Первою буквою этого слова оу обрывается текст послания в Б.
[20] Так СТ; Р без нет.
[21] Так СТ; Р недописано Златау.
[22] Так СТ; Р поряйся.
[23] Так СТ; Р неправдено.
[24] Так СТ; Р тщерь
_uacct = "UA-261055-2"; urchinTracker();