Страница 58 из 195
скорби и печали день и нощь вопиющих к Тебе, многоболезненный вопль услыши, многомилостиве Боже наш, и
изведи из нетления живот их. Подаждь же мир и тишину, любовь и утверждение и скорое примирение людем Твоим, ихже честною Твоею кровию искупил еси. Но и отступившым от Тебе и Тебе не ищущым-явлен буди, во еже ни
единому от них погибнути, но всем им спастися и в разум
истины прийти, да вси в согласном единомыслии и в не+ Молитвы, 347
престанной любви прославят пречестное имя Твое, терпеливодушне, незлобиве Господи, во веки веков. Аминь.
МОЛИТВА ПОКАЯННАЯ, читаемая наипаче в день убиения
царской семьи 4/17 июля:
Благословен еси Господи Боже отец наших, и хвально
и прославлено имя Твое во веки, яко праведен еси о
всех, яже сотворил еси нам, и вся дела Твоя истинна и
правы путие Твои, и вси суды Твои истинни, и судьбы
истинни сотворил еси по всем, яже навел еси на ны, яко
согрешихом и беззаконновахом отступивши от Тебе, и прегрешихом во всех, и заповедей Твоих не послушахом, ниже
соблюдохом, ниже сотворихом, якоже заповедал еси нам, да благо нам будет, и предал еси нас в руки враговбеззаконных, мерзких, отступников, человеком неправедным и
лукавейшим паче всея земли. И ныне несть нам отверсти
уст, стыд и поношение быхом рабом Твоим и чтущим Тя.
Не предаждь же нас до конца имени Твоего ради и не разори завета Твоего, и не отстави милости Твоея от нас, яко, Владыко, умалихомся паче всех язык и есмы смирени
по всей земли днесь, грех ради наших, и несть во время сие
начальника, пророка и вожда. И ныне восследуем всем
сердцем и боимся Тебе и ищем лица Твоего, не посрами
нас, но сотвори с нами по кротости Твоей, и по множеству
милости Твоея, и молитв ради Пречистыя Матери Твоея и
всех святых Твоих, изми нас по чудесем Твоим, и даждь
славу имени Твоему, Господи, и да посрамятся вси являющий рабом Твоим злая, и да постыдятся от всякия силы, и
крепость их да сокрушится, и да разумеют вси, яко Ты еси
Бог наш, един и славен по всей вселенной. Аминь.
348 -
МОЛИТВА ПОКАЯННАЯ, ЮЖЕ ЧТОША В ЦЕРКВАХ В РОССИИ
ВО ДНИ СМУТЫ:
Г оспод Боже, Вседержителю, призри на нас, грешных
и недостойных чад Твоих, согрешивших пред Тобою, прогневавших благостьТвою, навлекших гневТвой праведный на ны, падших во глубину греховную: Ты зриши, Господи, немощь нашу и скорбь душевную, веси растление
умов и сердец наших, оскудение веры, отступление от
заповедеиТвоих, умножение нестроений семейных, разъединения и раздоры церковный: Ты зриши печали и скорби
наша, от болезней, гладов, потопления, запаления и междоусобнью брани происходящий: но, премилостивыи и человеколюбивый Господи, вразуми, настави и помилуй нас, недостойных: исправи жизнь нашу греховную, утоли раздоры и нестроения, собери расточеннью, соедини разсеянныя, подаждь мир стране нашей и благоденствие, избави
ю от всякая беды и шатания умов: всесвятый Владыко, просвети разум наш светом учения евангельскаго, возгрей
сердца наша теплотою благодати Твоея и направи я к деланию заповедей Твоих, да прославится в нас всесвятое и
преславное имя Твое, Отца и Сына и Святаго Духа, ныне
и присно и во веки веков, аминь.
МОЛИТВА ПАТРИАРХА ТИХОНА
О ГОНИМЫХ БРАТИЯХ НАШИХ:
Милосердный Господи, Боже сил, из глубины душевныя
смиренно вопием Ти: силою креста Твоего смири
дерзость ненавидящих и хулящих имя Твое святое, осквер+ М о л и т в ы . 349
няющих и разрушающих святыню храмов Твоих и люто гонящих верных чад святыя Церкви Твоея: всем страждущим
и изнемогающим за исповедание веры во имя Твое поели
ангелов Твоих святых, да укрепляются верныя люди Твоя в
несении благаго ига Твоего ангельским покровом и предстательством Пресвятыя Богородицы и всех святыхТвоих:
многомилостивый Господи, болезненным сердцем, со слезами молимся Тебе, призри на вопль, стенание и умиленныя молитвы всех верных людей от нападения врагов Твоих, Господи, страждущих, святыни храмов Твоих и благодати святых таинств Твоих лишенных: умилостивися, Господи, над младенцы, светом святаго крещения неозарен.ныя и печатаю дара Духа Святаго незапечатленныя: пощади, Господи, отроки, юноши и девы, соблазняемыя ненавистниками имени Твоего на всякое неверие, нечестие, богохульство, распутное житие, зависть и злобу к ближнему
своему: умилосердись, Господи, на старцы и болящия, лишенныя в предсмертный час благодатнаго утешения в елеопомазании и причастии святых таин Твоих и не чающия
христианского погребения: огради, Господи, монашествующий лик, из святых обителей изгнанных и поношения терпящих: наипаче же утверди, Господи, крепостию Духа Твоего священники Твоя, дабы небоязненно, даже до смерти, во единении стояли на страже стада Твоего: всех же, Тебе
ради приявших мученическую кончину, сподоби со святыми Твоими в вечной славе Твоей царствовати: на кресте
моливыйся за распинателей Твоих и приемый в последний
час разбойничье покаяние, не погуби, о Господи, отступников, хулителей и гонителей святыя веры и святыя Церкви
Твоея, но, аще возможно сие, даруй и им радость познати
Тя, Божественную любовь и премудрость, и дни свои в истинном покаянии скончати: на Тя, Господи, уповаем и не
постыдимся во век, Ты бо еси заступление наше, помощь и
победа, победившая мир: свет паче всякаго света, радость
350 -
паче всякий радости, упование паче всйкаго упования, жизнь истинная и спасение вечное, и Тебе, в Троице покланяемому, славу вси возсылаем, ныне и присно и во веки
веков. Аминь.
МОЛИТВА СОБОРНАЯ, ПАТРИАРХА ТИХОНА, О СПАСЕНИИ
ДЕРЖАВЫ РОССИЙСКИЙ И УТОЛЕНИИ
В НЕЙ РАЗДОРОВ И НЕСТРОЕНИЙ:
Г осподи Боже, Спасителю наш, к Тебе прибегаем сокрушенным сердцем и исповедуем грехи и беззакония наша, имиже раздражихом Твое благоутробие и затворихом щедроты Твоя: отступихом бо от Тебе, Владыко, и
заповедей Твоих не соблюдохом, ниже сотворихом, якоже
заповедал еси нам: сего ради разгневался еси яростию
Твоею на нас, и посетил еси жезлом железным беззакония
наша и ранами неправды наша: простерл еси руку Твою, и
восплакася земля, и болезни смертныя объяша нас: гладом
же и скудостию и нестроением поразил еси нас, и дал еси
нас на попрание врагом нашим, и умалихомся паче всех
язык, и быхом в притчу и поношение соседом нашим: Боже
великий и дивный, каяйся о злобах человеческих, возводяй низверженныя и утверждаяй низпадающия, небесную
Твою силу с небес ниспосли, уврачуй язвы душ и телес
наших, и воздвигни нас от одра болезни, ибо наполнишася
разслабления чресла наша, яко болим неправдою и рождаем беззаконие: утоли шатания и раздоры в земли нашей, отжени от нас зависти и рвения, убийства и пиянство, разжжения и соблазны, попали в сердцах наших всякую нечистоту, вражду и злобу, да паки вси возлюбим друг друга и
едино пребудем в тебе, Господе и Владыце нашем, якоже
повелел еси и заповедал еси нам: помилуй нас, Господи, помилуй нас, яко исполнихомся уничижения и несмы до+ Молитвы. 351
стойны возвести очеса наша на небо: помяни милости, яже
показал еси отцем нашим, преложи гнев Твой на милосердие и даждь нам помощь от скорби: молитТя Твоя церковь, представляющи Тебе ходатайство другов Твоих: преподобнаго отца нашего Сергия радонежскаго, Петра, Алексия, Ионы и Филиппа, святителей московских, священномученника Ермогена, и всех святых, в земле нашей просиявших, изряднее же пресвятыя Богородицы и Приснодевы Марии, Яже от лет древних покрывшая и заступавшая страну нашу:
вразуми и укрепи всех, иже во власти суть, и возглаголи в
них благая о церкви Твоей и о всех людех Твоих: силою
креста Твоего укрепи Христолюбивое воинство наше, и
избави их от всякаго навета вражия: воздвигни нам мужей
силы и разума, и даждь всем нам духа премудрости и страха Божия, духа крепости и благочестия: призри и на собор
наш церковный, от всех концев Российския земли собравшийся, умудри и просвети его благодатию Пресвятаго
Твоего Духа, и даждь ему слово во отверзение уст его, во
утверждение святыя православный веры нашея, в примирение и соединение отпадших, в обновлении мира и любве
в сердцах наших: Господи, к Тебе прибегаем, научи нас
творити волю Твою, яко Ты еси Бог наш, яко у Тебе источник живота, во свете Твоем узрим свет: пробави милость
Твою ведущим Тя во веки веков. Аминь.
МОЛИТВА
СВЯТИТЕЛЯ ТИХОНА ЗАДОНСКАГО:
Боже великий и дивный, утоли шатания, раздоры в земле нашей, огради нас от гнева, убийства, вражды и
злобы: да вновь возлюбим друг друга и едино пребудем в
Тебе, Господе и Владыке нашем, как Ты повелел и заповедал нам. Аминь.
352 -
МОЛИТВА
СВЯТАГО ИОАННА КРОНШТАДТСКАГО:
Г осподи, Ты видишь хитрость врагов православной
веры и Церкви Твоей и их рвение одолеть ея: положи